На 5 октомври 2025 година ќе се одржи 21. издание на најголемиот спортски настан во нашата земја, Виз Ер Скопски маратон..
Тркачите учесници во маратонската, полумаратонската и штафетната трка „ЕУ за спорт“ ќе стартуваат од пред Собранието на Република Македонија во 08:05 часот и ќе се движат по патеката во насока кон Хром.
ВАЖНО ИЗВЕСТУВАЊЕ:
Оваа година доаѓа до промена во локацијата за стартот на трката Комерцијална Банка 5K. Стартот ќе биде во 08:00 часот, но во близина на Црвениот Крст на РМ, а тркачите ќе се движат во насока кон Аеродром.
Финишот за сите трки останува на добро познатото место – Плоштад Македонија, во непосредна близина на Порта Македонија, каде што учесниците ќе ја завршат својата тркачка авантура пред бројната публика.