Со задоволство ви го најавуваме партнерство помеѓу Abbott World Marathon Majors Wanda Age Group World Championships и Виз Ер Скопски Маратон 2020 како една од квалификационите трки за следната серија. Со ова Виз Ер Скопски Маратон 2020 станува квалификациска трка за Светското Првенство во маратон за старосни категории во 2021!
За што се работи?
Abbott World Marathon Majors е серијал од шестте најголеми маратони во светот познат како Големата шестка, во која се вбројуваат Бостонски, Лондонски, Токиски, Берлински, Чикашки и Њујоршки маратон.
AbbottWMM Wanda Age Group World Championships е Светско првенство во нивна организација кое ќе се одржи во 2021 година, а локацијата каде ќе се одржи ќе биде објавена дополнително следната година.
За да може некој тркач според старосна категорија да биде дел од ова Светско првенство, мора да исполни одредени услови/норми за да влезе во ранг листата на квалифицирани учесници (AbbottWMM Wanda Age Group World Rankings). За да еден тркач се најде на оваа листа, треба да има учество на две трки од листата на квалификациони трки, во кои од следната 2020 година влегува и Виз Ер Скопски Маратон, заедно со повеќе од 100 други трки низ светот (целосна листа на квалификациони трки ќе може да ја погледнете од 13 октомври 2019 тука: https://www.worldmarathonmajors.com/agwr/how-it-works/
Учесниците на AbbottWMM Wanda Age Group World Ranking квалификациони трки ќе освојат поени според старосната категорија, постигнатиот резултат и пол според следниве старосни категории за мажи и жени: 40-44, 45-49, 50-54, 55-59, 60-64, 65-69, 70-74, 75-79, 80+.
Периодот за следниот циклус на квалификации почнува од 13 октомври 2019 и трае до 11 октомври 2020 (AbbottWMM Series XIII) – едногодишен циклус во кој учесниците имаат можност да остварат две квалификациони времиња и место на Светското Првенство според старосна категорија во 2021, AbbottWMM Wanda Age Group World Championships.
ОСНОВНИ ИНФОРМАЦИИ ЗА ABBOTTWMM WANDA AGE GROUP WORLD RANKING серијата XIII (Oct. 13 2019 – Oct. 11 2020)
- Периодот за квалификации почнува од октомври 2019 и трае до 11 октомври 2020 (AbbottWMM Series XIII).
- Едногодишен циклус во кој учесниците имаат можност да остварат две квалификациони времиња и место на Светското Првенство за старосна категорија во 2021, AbbottWMM Wanda Age Group World Championships. Максимум две трки во квалификацискиот период ќе одат во прилог на тркачите во нивното рангирање. На крајот од овој период, највисоко рангираните тркачи по категории ќе бидат поканети на Светското Првенство за Старосна Категорија, AbbottWMM Wanda Age Group World Championships.
- Чикашки Маратон (the Bank of America Chicago Marathon) ќе го означи стартот и финишот на квалификациониот период. Светското првенство ќе се одржи во 2021 година, а локацијата ќе биде објавена следната година.
- Учесниците на AbbottWMM Wanda Age Group World Ranking Квалификациони трки ќе освојат поени според старосната категорија, постигнатиот резултат и пол според следниве старосни категории за мажи и жени: 40-44, 45-49, 50-54, 55-59, 60-64, 65-69, 70-74, 75-79, 80+.
- Квалификационите Трки од серијата на AbbottWMM Wanda Agre Group World Rankings се распространети низ целиот свет и се повеќе од педесет трки со што на тркачите им се дава поголема шанса и можност да земат учество и да бидат дел од овој голем настан.
- Целосната листа со сите Квалификациони Трки за серијата 2019/2020 ќе бидат објавени наскоро тука: https://www.worldmarathonmajors.com/agwr/how-it-works/
Извршниот Директор на Abbott World Marathon Majors, Тим Хаџима изјави:
“Многу сме возбудени од одзивот на маратоните во светки рамки за AbbottWMM Wanda Age Group World Rankings. Повеќе од 125,000 runners на возраст од 40+ учествуваат на AbbottWMM трките секоја година и овој нов систем ќе овозможи уште поголем број на тркачи да станат дел од ова семејство. Нашиот систем им дава на тркачите шанса да трчаат низ целиот свет преку целата година. Ние сакаме да им дадеме шанса да бидат признаени како никогаш порано. Горди сме да работиме со сите наши партнери за да го доведеме маратонското трчање по старосни категории на едно следно ниво и да ги презентираме достигнувањата на тие секојдневни шампиони.“
За повеќе информации за системот на бодување и квалификационите трки, видете на www.Abbottwmm.com