Трчај ја твојата виртуелна трка!

Што представува виртуелна трка на Виз Ер Скопски маратон 2020?

Со преместувањето на трката од 10 мај на 4 октомври, можеби од разни причини нема да може да бидете присутни во Скопје, но и покрај вашата спреченост би сакале да бидете дел од овој настан. Затоа ви овозможуваме да бидете и вие дел од виртуелната трка на Виз Ер Скопски маратон 2020. Можеби нема да го имате истото чувство како она кога би биле присутни на 4 октомври во Скопје, но сепак со мислите и со вашиот спортски дух можете да бидете дел од ова посебно искуство, и се разбира како награда за истрчаната виртуелна трка ќе го добиете комплетниот стартен пакет кој вклучува:
- стартен број со вашето име (го добивате како сувенир по завршување на трката)
- dry-fit маица со логото на трката (ова важи за пријави до 31 јули, пријави после овој датум не добиваат маица)
- медал
- 20 ЕУР вредносен ваучер од Виз Ер
- дигитален стартен пакет
- оналјн диплома

Виртуелната трка се однесува за маратон, полумаратон и штафетен маратон.
Пријавувањето е отворено до 15 септември 2020 година.

Како функционира виртуелната трка?
Пред 1 септември 2020 сите пријавени учесници за виртуелната трка ќе добијат посебен емаил во кој детално ќе биде објаснет целиот процес, истиот ќе биде објавен и тука. Во периодот од 1 септември па до 4 октомври ќе треба да ја истрчате вашата виртуелна трка на било која локација и со било кого, дури може да искористите и друг маратон или полумаратон. Како доказ за истрчаната должина ќе треба да испратите запис или линк од вашиот ГПС часовник или мобилна апликација за трчање. Сите пристигнати резултати од виртуелната трка ќе бидат објавени во посебен дел во листата за резултати после 4 октомври, но овие резултати нема да влезат во официјалните резултати од Виз Ер Скопскиот маратон 2020.

Цената за пријавување за Виртуелните трки за Виз Ер Скопскио маратон се:

  • виртуелен маратон / 1300 ден.
  • виртуелен полумаратон / 1300 ден.
  • виртуелен штафетен маратон / 4600 ден. (за цела екипа, секој добива стартен пакет)

Кликни тука за да се пријавиш за Виртуелна трка

Овие цени се за оние што немаат направено пријава до 20 март 2020. Доколку имате пријава пред овој датум и сакате да се префрлите во виртуелна трка промената може да ја направите со логирање на www.smartrace.club и едитирање на вашата пријава. Упатство како да го направите тоа ќе најдете на овој линк

Доколку имате прашања слободно пишете ни на info@skopskimaraton.com.mk